"Монгол ном бичгийн Эрдэнэс” үзэсгэлэн нээгдлээ

Төрийн ордны "Монгол төрийн түүхийн музей”-д "Монгол ном бичгийн Эрдэнэс” нэртэй Р.Отгонбаатарын цуглуулгын үзэсгэлэнгийн нээлт өнөөдөр боллоо.

Энэхүү үзэсгэлэн нь нэг хүний дагнан судалж, эрэл хайгуул хийж, эрдэм шинжилгээний тодорхой зорилготойгоор эмхлэн төрөлжүүлсэн энэхүү хувийн ховор нандин цуглуулгыг гадаад дотоодын жуулчид, эх түүхээ сонирхогчид, оюутан судлаачид, олон нийтэд нэн ялангуяа Монголын өсвөр залуу үеийнхэнд сурталчлан таниулах зорилготой аж.