Үзэгчдийг хоёр талцуулсан "The Voice" & "Яг түүн шиг" шоуу

Өнгөрөгч амралтын өдрүүдэд үзэгч олон телевизээсээ холдох завгүй өнжлөө. Бямба гарагт өрсөлдөгчгүйгээр үзэгчдийг дэлгэцийн урд уяж чаддаг "The Voice" шоу бүтэн сайн өдөр "Яг түүн шиг" шоутай үзэгчдээ хуваах шаардлагатай болоод амжив.

Гурав дахь улирлынхаа дугаараар үзэгчидтэй уулзаад буй "Яг түүн шиг" шоу ч дуулиан дэгдээгээд авсанюм.Ухрааж, нөхөж үзэх боломжгүй болсон "The Voice" шоуг бодвол "Яг түүн шиг" шоу бүх боломж бололцоогоороо нэвтрүүлгээ үзэгчдэд хүргэсэн хандалт их авсан ч, хэдхэн хүмүүсийг оролцогчдоороо дууриалгаж байна хэмээх шүүмжлэлд өртөөд авав.

Харин шууд хэмээх тодотголтой "The Voice" шоуны энэ удаагийн дугаар маргаан, шүүмжлэл багатай нам гүмхэн болж өнгөрсөн бөгөөд С.Ононбат шүүгч оролцогчдоо тун ч сайн бэлдсэн шүүгчээр тодроод авчээ.