Хахууль авсанд нь 6,5 сая, өгсөнд нь 120 саяын торгууль оноожээ

Ажлын байран дээрээ 50 гаруй сая төгрөгийн хахууль авсан Автотээврийн үндэсний төвийн тээвэр зохицуулалтын хэлтсийн дарга Д.Батбаярт шүүхээс арай л бага ял оноочихсон юмуу даа.

Тодруулбал, тэрбээр олон улсын ачаа тээврийн С зөвшөөрлийг олгохын тулд аж нэгж, хуулийн этгээдээс 57.5 сая төгрөгийн хахууль авсан хэрэгт АТГ мөрдөн шалгах ажиллагааг явуулсан билээ.

Улмаар Сүхбаатар дүүргийн анхан шатны шүүхээс Эрүүгийн хуулийн 22.4 дугаар зүйлийн 2 дахь хэсэгт зааснаар хахууль авсан Д.Батбаярт 6.5 сая төгрөгөөр торгох ял оногдуулсан бол хахууль өгсөн хуулийн этгээдийг 120 сая төгрөгөөр торгож шийтгэсэн байна.