2018 оны Хөлбөмбөгийн ДАШТ-ий сүлд дуу

Долоо хоногийн дараа ОХУ-д эхлэх 2018 оны Хөлбөмбөгийн ДАШТ-ий албан ёсны сүлд дууг дүрсжүүлснийг өнөөдөр олон нийтэд хүргэлээ.

Америкийн латин уран бүтээлч Ники Жэм, Холлидвүүдийн од Уилл Смит, Албани дуучин Эра Истрефи нарын дуулсан “Live It Up” дууны видеонд Бразилын алдарт хөлбөмбөгчин, 2002 оны дэлхийн аварга Рональдино оролцсон байна.

Өнгөрсөн сарын сүүлээр дэлхий нийтэд хүрсэн уг дууны аудио хувилбарыг зөвхөн YouTube сүлжээнд 17 сая гаруй удаа тоглуулжээ.