"Эрдэнэт" үйлдвэрийг Д.Сүхбаатарын одонгоор шагналаа

Зууны манлай бүтээн байгуулалт “Эрдэнэт үйлдвэр” ХХК-ийн түүхт 40 жилийн ой байгаа билээ. Эрдэнэт хот, Орхон аймаг, Монгол орныг 40 жилтэжээж байгаа, улс эх орны өмнө хүлээсэн үүргээ нэр төртэй биелүүлж буй энэ хамт олны түүхэн гавьяаг үнэлж Монгол улсын Ерөнхийлөгчийн зарлигаар Сүхбаатарын одонгоор шагнасан юм.

Ерөнхийлөгчийн зарлигт "Монгол Улсын бүтээн байгуулалт, нийгэм, эдийн засгийн хөгжил, дэвшил болон уул уурхайн боловсруулах салбарын хөгжлийг дэлхийн жишигт нийцүүлж, шинэ чадамж гаргахад оруулсан Эрдэнэт үйлдвэрийн үе, үеийн ажилтан, албан хаагчид, уурхайчдын хичээл зүтгэлийг өндрөөр үнэлж Эрдэнэт үйлдвэрийг төрийн дээд шагнал Д.Сүхбаатарын одонгоор шагнасугай" гэсэн байна. Ийнхүү уулын баяжуулах үйлдвэр төрийн дээд шагнал Д.Сүхбаатарын одон, Хөдөлмөрийн гавьяаны Улаан тугийн одонт үйлдвэр боллоо.

Наадмын баярын арга хэмжээнд УИХ-ын гишүүн Д.Дамба-Очир, О.Содбилэг, О.Баасанхүү, Я.Санжмятав, Засгийн газрын хэрэг эрхлэх газрын дарга Г.Занданшатар, Монгол Улсын Ерөнхийлөгчийн Тамгын газрын дэд дарга Г.Байгальмаа болон аймаг, орон нутгийн удирдлагууд оролцсон юм.