Хаягдлын даланг сэргээн засварлажээ

Архангай аймагт сүүлийн 10 гаруй хоногт ширүүн аадар бороо, мөндөр их хэмжээгээр орсны улмаас Цэнхэр сумын нутаг, “Монгол газар”, “Эм Жи Эйч” ХХК-ий талбайд байгуулсан хаягдлын далангийн хаалт хамгаалалт задарчээ. Үүнээс үүдэж бохирын ус  гол руу орж усыг их хэмжээгээр бохирдуулсан байна.

Энэ дагуу аймгийн Засаг даргын А/249 тоот захирамжаар томилогдсон байнгын хяналтын ажлын хэсэг газар дээр нь ажиллаж зөрчлийг таслан зогсоон, далан хаалтыг сэргээх арга хэмжээг авч, холбогдох байгууллагуудад албан шаардлага хүргүүлсэн ажээ.