Н.Батсуурь аваргын цолны мялаалга наадам болно

Өнөө жилийн Үндэсний их баяр наадмын хүчит бөхийн барилдаанд Увс аймгийн Ховд сумын харьяат, Увс нуур дэвжээний бөх Н.Батсуурь Улсын аварга цол хүртсэн. Тэрбээр Увс аймгаас төрсөн дөрөв дэх, Монголын Улсын 23 дахь аварга болсон юм.

Түүний цолны мялаалга наадамтөрөлх нутагт болох Увс аймгийн Улаангом хотод ирэх наймдугаар сарын 19-нд болох тов гарчээ. Наадмаар Улс, аймгийн алдар цолтой 128 бөх барилдаж, их нас, шүдлэн, даага гэсэн гурван насны морь уралдах юм байна.