Хамгийн найдвартай болон найдваргүй машинуудыг нэрлэжээ

Америкийн арилжааны бус “Consumer Reports” байгууллага 2020 оны найдвартай машинуудын жагсаалтыг гаргасан байна.

Найдвартай болон найдвар муутай машинуудыг марк болон тодорхой загваруудын дундаас сонгожээ.  Найдвартай нь Японых, харин найдвар муутай нь Америкийн машинууд илүүтэй олон байсныг  obozrevate.com сайтад бичсэн байна.

 Найдвартай байдлаараа үнэмлэхүй ялагч нь Mazda гэдэг нь “Consumer Reports” байгууллагын тайлангаас харагдаж байна. Энэхүү машин жагсаалтыг олон жил тэргүүлж байсан Lexus, Toyota машины өмнө орж чаджээ. Түүнчлэн шинжээчид Honda болон Buick машиныг магтсан байна. Харин найдвар муутай машинуудад Lincoln, Tesla болон Volkswagen багтжээ. Үүнээс гадна Mini, Ford машинууд шүүмжлэлд өртсөн байна.

 Харин загваруудын тухайд гэвэл, Toyota Prius, Lexus NX болон Buick Encore машин хамгийн найдвартай гэдгээ харуулсан байна. Chevrolet Silverado, Subaru Ascent болон VW Atlas машин найдвар муутайд оржээ.

 2020 оны хамгийн найдвартай машинууд: 

- Toyota Prius;

- Lexus NX;

- Buick Encore;

- Lexus GX;

- Honda HR-V;

- Toyota Prius Prime;

- Hyundai Kona;

- Audi A5;

- Audi A4;

- Mazda CX-5.

2020 оны хамгийн найдвар муутай машинууд:

- Chevrolet Silverado;

- Subaru Ascent;

- Volkswagen Atlas;

- Jeep Compass;

- Volvo XC90;

- Chevrolet Colorado;

- Tesla Model S;

- Jeep Wrangler;

- Ford EcoSport;

- Volvo XC60  

 

Б.Атар