Метроны станцыг Д.Марадонагийн нэрэмжит болголоо

    Италийн Неаполь хотын Cumana метроны станцыг Аргентины домогт хөлбөмбөгч Диего Марадонагийн нэрэмжит болгожээ. Уг станцыг Mostra-Stadio Maradona гэж нэрлэсэн ба аль хэдийнэ уг клубийн түүхэнд зориулсан зургуудаар чимэглэсэн аж.                                                  Нутаг нэгтнүүдийнхээ төдийгүй неапольчуудын шүтээн болсон аргентин эрийг 1984 онд Испанийн "Барселон"-оос Италийн "Неаполь" тухайн үеийн асар их мөнгө болох 14 тэрбум лирээр худалдан авч байв. Энэ нь 7,6 сая ам.доллар юм. Диего Марадона 1984-1991 онд "Неаполь"-д хүчин зүтгэхдээ 188 тоглолтод 81 бөмбөг оруулсан аж. Түүнчлэн 1987, 1990 онд багаа Италийн аварга болоход асар их хувь нэмэр үзүүлжээ.