ХӨСҮТ-ийн Дэд захирал Э.Тэмүүлэн:21 хоног эмчилгээнд байсан 76 настай эмэгтэй нас барлаа

 ХӨСҮТ-ийн Дэд захирал Э.Тэмүүлэн "Сүүлийн 24 цагийн хугацаанд 21 585 шинжилгээ хийгдсэнээс 80 шинэ тохиолдол бүртгэгдлээ. Шинээр халдвар авсан иргэдийн тухайд Төв аймгаас нэг, бусад нь Улаанбаатар хотоос илэрлээ. 

Харамсалтай мэдээ дуулгахад 76 настай эмэгтэй коронвирусний халдвараар нас барлаа. Ингэснээр нас баралт дөрөв боллоо. Хавьтал судлалын шинжилгээгээр гурван хүний халдварын эх уурхай тогтоохоор ажиллаж байна" гэлээ. 

Түүнчлэн "Вакцинжуулалтын ажлыг эрчимжүүлж, нийт 14 цэгийг нэмэлтээр байгуулж, дархлаажуулалтын 46 цэг ажиллуулж, 48 мянган хүнийг вакцинд хамруулсан байна. Дархлаажуулалттай холбоотой мэдээллийг албаны, найдвартай эх сурвалжаас авч байхыг хүсье" гэлээ.