Шороон шуурганы улмаар баруун аймгуудад эрчим хүч тасарчээ

ОХУ-ын Тувагийн БНУ-ын нийслэл Кызыл хотод хүчтэй цасан шуурга шуурч цахилгаан эрчим хүч тасалджээ. Улмаар Монгол Улсын баруун аймгуудын цахилгааныг тасалсан байна.  Одоогоор Ховд, Баян-Өлгий, Увс аймгийн нэгдүгээр зэрэглэлийн хэрэглэгчдийг Дөргөний усан цахилгаан станцаас тэжээл авч цахилгаан эрчим хүчээр хангаж байна гэж Баруун бүсийн Эрчим хүчний систем ТӨХК-аас мэдээлэв. Тухайлбал, эмнэлэг, дулаан үйлдвэрлэгчид нэгдүгээр зэрэглэлийг хэрэглэгчдэд багтдаг тул цахилгаан тасалдуулалгүй, эрчим хүчээр хангаж байгаа юм.  Хойд хөршид цаг агаарын аюултай үзэгдэлтэй холбоотойгоор эрчим хүчний доголдлыг  засварлахаар Тиваенерго компанийн шуурхай ажиллагааны дөрвөн бригад шугамын үзлэгт ажиллаж байгаа аж.