Коронавирусийн нэн хүнд хэлбэрээр өвчилсөн нэг хүн нас баржээ

Коронавирусийн халдвар өдрөөс өдөрт нэмэгдэж байгаатай холбогдуулан нэн хүн хэлбэрээр өвчлөх хүмүүсийн тоо нэмэгдэж байна гэж ХӨСҮТ-ээс мэдээллээ. Тодруулбал, эмчлүүлж байсан нэн хүнд хэлбэрээр өвчилсөн нэг хүн нас барсан байна. 

ХӨСҮТ-ийн Тандалт судалгааны албаны дарга Ж.Байгалмаа "Эмчлэгдэж байсан хүмүүсээс нэг хүн нас барсан. 89 настай эрэгтэй, ХӨСҮТ-д 24 хоног эмчлүүлсэн. 16 хоногт нь эрчимт эмчилгээний тасагт байсан. Коронавирусийн нэн хүнд хэлбэрээр өвчилсөн. Амьсгалын дутагдал, артерын даралт, зүрх судасны архаг дутагдал, хавсарсан эмгэгтэй. Зүрх судасны дутагдлаар нас барсан" гэлээ.