Б.Батгэрэл Гранпригээс мөнгөн медаль хүртлээ

Узбекистаны нийслэл Ташкент хотноо энэ сарын 4-6-ны өдрүүдэд жүдо бөхийн Гран при тэмцээн болж байна. Энэ удаагийн Гран прид Иран, Бразил, Бельги, ОХУ, АНУ, Монгол тэргүүтэй 21 орны 154 тамирчин оролцож байна. Тэмцээний 66 кг-д Б.Батгэрэл эхний тойрогт хийлж, Узбекистан, Казахстаны бөхчүүдийг ялснаар мөнгөн медалийн болзол хангасан. Шигшээ барилдаанд Казахстаны Фармонов Мизахид ялагдсанаар мөнгөн медаль хүртлээ. Харин 60 кг-д Г.Хэрлэн эхний тойрогт хийлж, удаах тойрогт Узбекистаны бөхийг ялснаар хэсгээ тэргүүлсэн. Мөнгөн медалийн төлөө Узбекистаны бөхөд дийлдсэн ч хүрлийн төлөө Казахстаны Еркэбуланыг ялснаар медалийн тавцанд зогслоо. 73 кг-д Хөдөлмөрийн баатар, гавьяат тамирчин Х.Цагаанбаатар эхний тойрогтоо хийлж, улмаар Казахстан, АНУ-ын бөхчүүдийг ялснаар хагас шигшээд шалгарсан. Мөнгөн медалийн төлөө Бразилийн бөхтэй барилдаж ялагдсан ч хүрлийн төлөөх барилдаан Украйны бөхийг ялжээ. Тэмцээний нийт шагналын сан 100 мянган ам.доллар юм байна.

Б.Цэлмэг