Ө.Дүүрэнбаяр дэлхийн аварга боллоо

АНУ-ын Лодердейл хотноо жүдо бөхийн дэлхийн залуучуудын аварга шалгаруулах тэмцээнд манай улсаас оролцсон Ө.Дүүрэнбаяр дэлхийн аварга боллоо.

Тэрээр аваргын төлөө Гүржийн жүдоч Кибордзалидзе Гугаг 02:14 секундэд цэвэр ялснаар эх орныхоо нэрийг дэлхийд гаргаж байна.

Тэмцээний эхний өдөр эрэгтэйчүүдийн 55 кг-ийн жингийн Б.Амартүвшин, Г.Баттулга нар хүрэл медаль хүртсэн бол, эрэгтэйчүүдийн 60 кг-ийн жинд зодоглосон Ц.Цогтбаатар мөнгөн медаль, эмэгтэй жүдочдоос 44 кг-ийн жингийн Г.Наранцэцэг шагналт 5-р байрт шалгарсан байна.

Монголын тамирчид 1 алт, 1 мөнгө, 2 хүрэл медаль хүртсэн амжилтаар дэлхийн 80 улсаас эхнээсээ дөрөвт бичигдлээ.