Олимпийн оноо хаагдахад 2 тэмцээн үлдлээ

Дэлхийн чансаа ээлжит байраа солилоо. 2016 оны тавдугаар сарын 9-ний буюу өчигдрийн байдлаар МУГТ Г.Болдбаатар 2071 оноогоор тэргүүн байраа эргүүлэн авлаа. Баку-гийн Их Дуулгын өмнө 5-д байсан бол Их Дуулгад түрүүлэн 500 оноо авч ийн тэргүүлж эхэллээ.

-48 МУГТ М.Уранцэцэг 3134 оноогоор тасархай тэргүүлж байна. -57 МУГТ Д.Сумъяа 2751 оноогоор тэргүүлж байна. Ийн манай 3 гавъяат өнгөлсөөр байна.

Олимпийн оноо хаагдахад 2 тэмцээн үлдээд буй нь ирэх долоо хоногт болох Алмата-н Гранпри болон хамгийн сүүлийн, хамгийн чухал, хамгийн нэр хүндтэй тэмцээний нэг Дэлхийн мастеруудын тулаан энэ сарын 27-нд Мексик улсад болно. Түрүүлсэн тамирчин 700 оноо өвөртөлж чансаагаа ахиулах юм.

Манай улс14-н жингийн 12-т нь эрхээ аваад байна. Үлдсэн 2 тэмцээнээс эрхээ авахад бүтэн багаараа цэнгэлийн манлай Олимпод өрсөлдөх болно.

Н.Цэнгэл