Нийслэлийн Засаг даргад Су.Батболдын нэрийг дэвшүүлжээ

МАН-ын Удирдах Зөвлөлийн хуралдаж, улстөрийн зарим нэг томилгооны асуудлыг хэлэлцжээ. Тухайлбал, Улаанбаатар хотын Засаг дарга буюу нийслэл хотын захирагчийн албанд УИХ-ын гишүүн асан Су.Батболдын нэрийг дэвшүүлэхээр тохирсон талаар эх сурвалжууд мэдээллэв.

Хотын засаг даргад Ц.Сандуй, М.Амарбаясгалан нар нэр дэвших тухай яригдаж байсан ч МАН-ынхан Су.Батболдыг нэр дэвшүүлэхээр тохирсон аж. Су.Батболд дөрөв дараалан УИХ-д гишүүнээр сонгогдсон бөгөөд энэ хугацаанд тэрбээр Хууль зүй, Дотоод хэргийн Яамны Сайд, Засгийн газрын Хэрэг эрхлэх газрын дарга, Нутгийн удирдлагын холбооны тэргүүнээр ажиллаж байсан.