Төрийн нарийн бичгийн даргын сонгон шалгаруулалт зарлав

Монгол Улсын Засгийн газраас Гадаад харилцааны яам, Хууль зүй, дотоод хэргийн яам, Хүнс, хөдөө аж ахуй, хөнгөн үйлдвэрийн яам, Хөдөлмөр, нийгмийн хамгааллын яам, Уул уурхай, хүнд үйлдвэрийн яам, Эрүүл мэндийн яамны Төрийн нарийн бичгийн даргын албан тушаалд томилогдох удирдах ажилтны ажлын байрыг нийтэд, нээлттэй зарлах захиалгыг Төрийн албаны зөвлөлд ирүүлсэн юм.

Төрийн албаны зөвлөлийн хуралдаанаар уг асуудлыг хэлэлцээд, Төрийн албаны тухай хуулийн 351.2-т “Төрийн албаны төв байгууллага нь сонгон шалгаруулж, нэр дэвшүүлэхээс ажлын 21-ээс доошгүй өдрийн өмнө тухайн албан тушаалын талаар нийтэд мэдээлнэ" гэж заасны дагуу Төрийн нарийн бичгийн дарга нарын сонгон шалгаруулалтын зарыг 2016 оны наймдугаар 12-ноос эхлэн Төрийн албаны зөвлөлийн csc.gov.mn сайтаар нийтэд, нээлттэй мэдээлэхээр шийдвэрлэв.

Мөн Төрийн албаны зөвлөлийн ээлжит 23 дугаар хуралдаанаар Орхон аймгийн Засаг даргаас ирүүлсэн тус аймгийн Тамгын газрын даргын албан тушаалд томилогдох удирдах ажилтны сонгон шалгаруулалтыг нийтэд, нээлттэй зарлах тухай хэлэлцээд, ажлын байрны зарим шаардлага төрийн албанд тавигдах болзол нөхцлийг хангахгүй байгаа тул буцаахаар шийдвэрлэжээ.

Ю.Халиун

Сонгон шалгаруулалтын зарыг энд дарж үзнэ үү.