Ханхын хилийн боомт зөвхөн ажлын өдрүүдэд ажиллана

Орос-Монголын хилийн Хөвсгөл аймаг дахь Ханхын боомт өнөөдрөөс эхлэн зөвхөн ажлын өдрүүдэд өглөөний 10:00-18:00 цаг хүртэл ажиллахаар болсон байна. Орос-Монголын Засгийн газар хоорондын Худалдаа эдийн засаг, шинжлэх ухаан техникийн хамтын ажиллагааны комиссын 2012 оны 12 дугаар сарын 21-ний өдрийн XVI хуралдааны протоколын дагуу ингэж өөрчилжээ.

Иймд амралтын өдрүүдээр хоёр улсын хооронд зорчих бол Наушка, Хиагтын боомтоор зорчиж байхыг Буриадын Хилийн цэргийн удирдах газраас анхааруулсан байна.

Ю.Халиун