Өнөөдөр болох онцлох үйл явдлууд

1. 09.00 цагаас Төрийн ордны "Их танхимд" Монголын Хуульчдын холбооны ээлжит бус Их хурлын нээлт болно.
2. Япон Монголын төвд 09.00-16.00 цагийн хооронд Хөгжлийн бэрхшээлтэй хүний ажиллаж, амьдрах орчин нөхцлийг сайжруулах, орон сууц, барилга байгууламжийн хүртээмжийг нэмэгдүүлэх чиглэлээр төр, төрийн бус байгууллагуудын төлөөллийг оролцуулан хэлэлцүүлэг зохион байгуулах гэж байна.
3. 09.00-12.00 цаг, МҮЭСТО-нд "Хүн бүрт зохистой хөдөлмөр эрхлэх боломжийг олгоё" сэдэвт зөвлөгөөн болно.
4. Стандартчилал, Хэмжил зүйн газар “Стандарт итгэлийг төрүүлнэ” сэдэвт семинарыг Стандарт, хэмжил зүйн газарт зохион байгуулна.
5. 11.00 цагт ХӨСҮТ-д "Нээлттэй хаалганы өдөрлөг" болно.
6. Зууны мэдээ сонины Үндэсний мэдээллийн төвд 11.00 цагаас НИТХ дахь Ардчилсан намын бүлгээс нийслэлийн Засаг даргын 100 хоногийн талаар мэдээлэл хийнэ.
7. 12.30-13.00 цагт Скай плаза бизнес төвийн Д корпусын 2 давхарт олон улсын стандартын таван байгууллага Монголд нэг зэрэг төлөөлөгчийн газраа нээж байна.
8. 15.30 цагт МУБИС-ийн А-300 тоотод болох Багшийн сургуулийн ахмад багш, профессор Г.Лхаахүүгийн "Оюуны мэлмий нээх гэгээн судар" номын нээлт болно.
9. 16.00 цагаас Хэвлэлийн Хүрээлэнд: Сонгуулийн үеэр сэтгүүлчдэд тулгамддаг бэрхшээл, боломж сэдэвт 2016 оны УИХ, НИТХ-ын сонгуулийн мэдээллийн мониторинг, сэтгүүлчдийн дунд явуулсан санал асуулгын үр дүнгийн хэлэлцүүлэг болно.
10. 17.00 цагаас МЗХ-нд "Залуу хүн" цуврал лекцийг загвар өмсөгч Э.Энхболд тавина.
11. МУИС-ийн Хичээлийн 2-р байр, 439 тоот танхимд "Дайчин гүрний дотоод яамны монгол бичгийн гэрийн дансны эх бичгийн цогц судалгаа" төслийн нээлт болно.