Ажилчдаа сонгуульд оролцуулахгүй бол хариуцлага хүлээнэ

Тодорхой нэр бүхий аж ахуйн нэгжийн ажилчдаас Нийслэлийн сонгуулийн хороонд гомдол ирүүлсэн байна. Сонгуулийн хуулийн 92.13-т “Санал авах өдөр ажиллаж байгаа сонгогчид тухайн байгууллагын захиргаа чөлөө олгож, түүнийг санал өгөх боломжоор хангах үүрэгтэй” гэсэн заалт бий. Тус заалтыг зөрчвөл нэг сарын хөдөлмөрийн хөлсний доод хэмжээг 6-8 дахин нэмэгдүүлсэнтэй тэнцэх хэмжээний төгрөгөөр торгох юм.

Уг нь энэ өдөр бүх нийтээр амрах зохицуулалттай хэдий ч зарим компанийн удирдлагууд ажилчдаа амраахгүй байгаа аж. Зайлшгүй ажиллах шаардлагатай тохиолдолд сонгогчдод хуулийн дагуу чөлөө олгох үүрэгтэй гэдгийг сануулж байна.

Д.Билгүүн