АН-ын дарга бүртгэл хүчингүй болгох тушаал гаргажээ

Ардчилсан намын дарга З.Энхболд нэгдүгээр сарын 06-ны өдөр АН-ын ХЭГ-т бүртгүүлсэн гишүүдийн бүртгэлийг бүхэлд нь хүчингүйд тооцох тушаал гаргажээ. Ардчилсан намын Үндсэн дүрэм, журам, заавар зөрчиж анхан шатны намын байгууллагад бүртгүүлэхээр очоогүйгээр Төв намын шинэчилсэн бүртгэлийн цэгт ирсэн, гишүүдийн олон тооны замбараагүй анкет материалыг үндэслэлгүйгээр хүлээн авсан зэрэг зөрчлүүд гарсан гэж үзсэн тул ийм шийдвэр гаргасан байна. Улмаар Хэрэг эрхлэх газрын ажилтан, албан тушаалтанд хариуцлага тооцохоор болжээ.