МАН-ын бүлэг сайдад нэр дэвшигчдийг хэлэлцэнэ

МАН-ын Удирдах зөвлөл өнөөдөр хуралдаж,Засгийн газрын сайд нарт нэр дэвшигчдийг өргөн барих эсэхийг хэлэлцэж, дэмжсэн байна. Тиймээс одоо МАН-ын бүлэг хуралдах юм. УИХ дахь МАН-ын бүлгийн гишүүд Удирдах зөвлөлөөс гарсан шийдвэрийг дэмжих юм бол Ерөнхийлөгчтэй зөвшилцөн шууд УИХ-д өргөн барих аж.

МАН-ын Удирдах зөвлөлөөс Засгийн газрын гишүүнээр ажиллах 14 сайдын нэрийг дэмжсэн байна. Гэвч МАН-ын 65-ын бүлгээр зарим сайд нарын нэрс өөрчлөгдөх боломжтой гэдгийг зарим эх сурвалжууд хэлж байна. Ямартай ч МАН-ын бүлгийн хурал Төрийн ордны Б танхимд хуралдахаар гишүүд цуглаж байна.