Ерөнхийлөгчийн хоригийг хэлэлцэж эхлэв

УИХ-ын Төсвийн байнгын хорооны хуралдаан эхэлж, Монгол Улсын Ерөнхийлөгчийн хоригийг хэлэлцэж эхэллээ.

Монгол Улсын Ерөнхийлөгч Х.Баттулга Сангийн сайдаар Ч.Хүрэлбаатарыг томилсон УИХ-ын тогтоолд хэсэгчлэн хориг тавьсан байгаа юм.

Эл асуудлыг УИХ-ын Төсвийн байнгын хороо, чуулганы нэгдсэн хуралдаанаар хэлэлцэн шийдвэрлэснээр 2018 оны төсвийн хуулийн төслийг хэлэлцэх боломж нээгдэхээр байгаа.

УИХ дахь МАН-ын бүлэг ойлголцолд хүрч чадахгүйгээс өчигдөр товлогдсон УИХ-ын Төсвийн байнгын хорооны хурал цуцлагдаж, өнөөдөр 10.00 цагт зарлагдсан. Бүтэн нэг цаг гаруй хүлээсний эцэст сая ирц бүрдэж, байнгын хороо хуралдаанаа эхлээд байна.