Д.Гантулга: Төрийн ордонд мэдээлэл хийсэн нь ёс зүйн хэм хэмжээ зөрчөөгүй

“Өмгөөллийн Веритас Партнерс” хуулийн нийгэмлэгээс УИХ-ын гишүүн Д.Гантулга нь Төрийн ордонд хувийн асуудлаар мэдээлэл хийсэн явдал нь ёс зүйгүй үйлдэл хэмээн үзэж, УИХ-ын Ёс зүйн дэд хороонд гомдол гаргасан юм. Уг асуудлыг Ёс зүйн дэд хороо хуралдаж шийдвэрлэхдээ УИХ-ын гишүүн Д.Гантулга энэ асуудалд өөрөө тайлбар өгөх шаардлагатай гэж үзсэн.

Энэ дагуу УИХ-ын гишүүн Д.Гантулга Үндсэн хуулийн 16 дугаар зүйлийн 16-д зааснаар “итгэл үнэмшилтэй байх, үзэл бодлоо чөлөөтэй илэрхийлэх, үг хэлэх, хэвлэн нийтлэх эрхтэй...” төдийгүй УИХ-ын тухай хуулийн 20 дугаар зүйлийн 5.8, 5.11 дэх заалттай нийцүүлэн гишүүний хууль ёсны эрх ашиг, сонирхол, нэр төрийг хамгаалан сэтгүүлчдийн асуултад хариулсан болно” гэсэн тайлбар хийсэн байна.