МАХН-ынхан Төрийн ордны гадаа жагсаж байна

УИХ-ын хаврын ээлжит чуулган удахгүй нээлтээ хийнэ. Үүнтэй холбогдуулан МАХН-ын гишүүд УИХ-ыг эсэргүүцэн Төрийн ордны гадаа жагсаал зохион байгуулж байна. Тус намын гишүүд хэдхэн хоногийн өмнө мэдээлэл хийхдээ УИХ-ын чуулган нээлтээ хийх үед жагсаал цуглаан зохион байгуулна гэдгээ хэлж байсан юм.

Тухайлбал, МАХН-ын гишүүн Б.Жагар "Бид хаврын чуулганыг эхлүүлэхгүй. УИХ-ын гишүүдийг оруулахгүй. Аминдаа хайртай бол 76 гишүүд төрийн ордон руу битгий зүглээрэй гэж хэлмээр байна. Зөвхөн Монгол Улсын Ерөнхийлөгч Х.Баттулгыг онц байдал зарлах тушаал гаргана гэж найдаад ордон руу оруулна" гэж мэдэгдэж байв.