Англи хэл дээрх илтгэлийн тэмцээний үндэсний аварга тодорлоо

“Тоастмастерс Монгол” байгууллагын Илтгэлийн үндэсний аварга шалгаруулах тэмцээнд “Тоастмастерс Монгол” клубын гишүүн Г.Цэнд-Аюуш тэргүүллээ.

“Тоастмастерс” олон улсын боловсролын байгууллагын Дэлхийн аварга шалгаруулах илтгэлийн тэмцээний нэгэн адил шалгуур үзүүлэлтээр дүгнэгддэг тус тэмцээнд “Тоастмастерс Интернэшнл” Олон Улсын байгууллагын 2015-2016 оны Дэлхийн Ерөнхийлөгч ноён Жим Кокочи (Jim Kokocki) уригдан ирж ерөнхий шүүгчээр ажилласнаараа онцлогтой болсон байна.

Англи хэл дээр чөлөөт сэдвээр 5-7 минутын илтгэл тавьдаг энэхүү тэмцээний Хагас шигшээ-д “Тоасмастерс Монгол” үндэсний байгууллагын салбар клубуудээс 30 гаруй илтгэгч шалгаран оролцсон. Үндэсний аваргын цомын төлөө шалгарсан шилдэг 9 илтгэгч өрсөлдсөнөөс дэд байрыг “Great Mongols” клубын гишүүн Ц.Гандолгор, гуравдугаар байрыг “Тоастмастерс Монгол” клубын гишүүн Э.Оюун-Эрдэнэ эзэлжээ.