Өвөлжилтийн бэлтгэл ажил 94 хувьтай хангагджээ

Эрчим хүчний салбарын өвөлжилтийн бэлтгэлийг хангах хүрээнд хийх ажлын хэрэгжилт 94 орчим хувьтай байна. Нүүрс нийлүүлэгч “Багануур”, “Шивээ-Овоо”, “Шарын гол” компанийн бэлтгэл ажлын явц дунджаар 76 хувьд хүрчээ.

Мөн өвлийн улиралд гэр хорооллын 154 мянган хэрэглэгчийг орой, шөнийн цагийн хөнгөлөлтөд хамруулахаар төлөвлөсөн аж. Түүнчлэн нийслэлд халаалтын 68 уурын зуухыг буулгаж, улс, нийслэл, аж ахуйн нэгж, орон сууцны 139 барилгыг төвлөрсөн дулаанд холбож дуусгах юм байна. Ингэснээр энэ өвөл халаалтын 68 уурын зуух утаа ялгаруулахгүй болно гэж холбогдох албаныхан мэдээллээ.