Аймаг дундын отрын бүс нутагт 467 мянган мал өвөлжиж байна

Монгол Улсын Засгийн газрын 187 дугаар тогтоолоор баталсан “Аймаг дундын отрын бэлчээр ашиглалтын нийтлэг журам”-д заасны дагуу аймаг дундын отрын бүс нутагт өвөлжүүлэх малын төрөл, тоог тухайн отрын бэлчээрийн ашиглалтыг зохицуулах үүрэг бүхий орон тооны бус зөвлөлийн хурал 2018 оны аравдугаар сард болсон.

Зөвлөлийн хурлаар есөн отрын бүс нутагт хонин толгойд шилжүүлснээр 672 мянга 438 толгой мал өвөлжүүлэхээр шийдвэрлэсэн юм. 2018 оны арваннэгдүгээр сарын 13-ны өдрийн байдлаар, Завхан, Дорнод, Хэнтий, Говь-Алтай, Увс, Говьсүмбэр, Ховд, Төв аймгийн отрын бүс нутагт 527 өрхийн 467 мянга 039 мал өвөлжиж байна.

№	Отрын бүс нутаг	Талбайн хэмжээ мян.га	2018-2019 оны бэлчээрийн даац /хонин толгой/	Орон тооны бус зөвлөлийн хурлын шийдвэр /хонин толгой/	2018-2019 онд өвөлжиж буй малчин өрх, малын тоо		Тайлбар
					Өрхийн тоо	Малын тоо /Хон. толгой/
1	Завхан аймгийн Багахайрхан	68.3	26669	27000	–	–	Цас ороогүй байгаа учир малчид орж ирээгүй байна.
2	Дорнод аймгийн Чойбалсан	124.4	194375	55032	–	–	Цаг агаарын нөхцөл байдал сайхан байгаа учир малчид орж ирээгүй байна.
3	Хэнтий Хэрлэнбаян-Улаан	192.8	335821	335821	384	369479	Хэнтий, Төв, Нийслэлийн Багануур дүүргээс малчид орж өвөлжиж байна.
4	Говь-Алтай аймгийн Аргалант	118.6	19766	20000	34	20000	Говь-Алтай аймгийн Дэлгэр, Баянхонгор аймгийн Бууцагаан, Хүрээмарал сумдаас өвөлжиж байна.
5	Увс аймгийн Ачитнуур	28.9	23376	23376	16	3000	Увс аймгийн Ховд сумаас отрын бүс нутагт өвөлжиж байна.
6	Говьсүмбэр аймгийн Малах	73.1	125314	125314	60	50760	Говьсүмбэр аймгийн Сүмбэр сумаас 60 өрх
7	Ховд аймгийн Баяннуруу	105.2	17280	17280	1	800	Ховд аймгийн Дарви сумын малчид өвөлжиж байна.
8	Төвийн бүсийн Чилэн	34.1	35600	35600	26	19100	Цаг агаарын нөхцөл байдал хэвийн бөгөөд отрын бүс нутаг цасгүй байна.
9	Төвийн бүсийн Хөхдэл	37.9	33015	33015	6	3900	Цаг агаарын нөхцөл байдал хэвийн цасгүй дулаан байна.
Нийт		783.3	811216	672438	527	467039