Эмнэлгээс алга болсон тоног төхөөрөмжүүдийн гурав нь олджээ

Нийслэлийн “Өргөө” амаржих газрын Нярайн тасгаас нярайн шарлагын хоёр аппарат болон бусад багаж тоног төхөөрөмжүүд алдагдсан асуудлыг Сүхбаатар дүүргийн цагдаагийн хэлтсээс шалгаж эхэлсэн талаар мэдээлсэн билээ.

Энэ хэрэгт тус эмнэлгийн тасгийн эрхлэгчийг холбогдуулан шалгаж байгаа гэсэн юм.

Тэгвэл алга болсон төхөөрөмжүүдээс гурвыг нь эмнэлэгт нь эргүүлэн олж авчирсан байна. Хэргийг үргэлжлүүлэн шалгаж байгаа аж.