Хот хоорондын автобус осолдож, хоёр хүн нас барж, 30 гаруй хүн гэмтжээ

Дорноговь-Улаанбаатар чиглэлд зорчиж байсан хот хоорондын зорчигч тээврийн том оврын автобус өнөөдөр өглөөний 06 цагийн орчим Замын-Үүд хот руу орох төв хаалгыг мөргөсөн ноцтой осол гарчээ.

Ослын улмаас жолооч, 1 зорчигчийн амь нас хохирч, 30 орчим хүн бэртсэн байна. Гэмтсэн хүмүүсийг Замын-Үүд хотын нэгдсэн эмнэлэг анхны тусламж үзүүлэн эмчилж байгаа бөгөөд галт тэргээр Улаанбаатар хот руу тээвэрлэхээр бэлтгэж эхэлсэн талаар Тээврийн цагдаагийн албанаас мэдээлэв. Ослын шалтгааныг тогтоохоор тус алба ажиллаж байна.