УНТЭ нүдний орчин үеийн компьютер томографийн аппараттай болно

Монгол-Канадын эмнэлгийн төслийн хүрээнд Deseret Олон Улсын Энэрэлийн байгууллагаас УНТЭ-т нүдний орчин үеийн компьютер томографи /ОСТ/ авах 77000 америк долларын тусламж үзүүлэх гэрээнд  гарын үсэг зурлаа.

ОСТ аппараттай болсноор торлог шилэнцэр, нүдний даралт ихсэх өвчин болон эвэрлэгийн өвчний оношилгоо эмчилгээ, мөн судлагааны ажлыг баримтжуулан хийх, сургалт явуулахад өндөр ач холбогдолтой юм. Анх удаа улсын эмнэлэгийн хэмжээнд  энэхүү багаж нь суурилагдсанаар үйлчлүүлэгчийг хувийн эмнэлэг рүү шинжилгээнд явуулах чирэгдэлгүй болгоно.

Энэ багажтай болсноороо торлог шилэнцрийн өвчний оношилгоо, эмчилгээг УНТЭ дээр цогцоор нь шийдвэрлэх бүрэн боломж бүрдэнэ хэмээн УНТЭ-ээс мэдээллээ.