“Инчеон-2014” Азийн наадам болоход 1 жил үлдлээ

“Инчеон-2014” Азийн наадам БНСУ-ын Инчеонд ирэх оны 9-р сарын 19-нөөс 10-р сарын 4-ны хооронд болно. Энэ наадамд улсаа төлөөлөн өрсөлдөх Монголын тамирчдыг хөгжөөн дэмжин туслах БНСУ-ын залуус МҮОХ-нд зочиллоо.

МҮОХ-ны ерөнхийлөгч Д.Загдсүрэн, ерөнхий нарийн бичгийн дарга Ж.Отгонцагаан нар БНСУ-ын 30 орчим залуусыг хүлээн авч уулзлаа. Уулзалтын үеэр Монголын тамирчид Инчеоны наадамд хэрхэн оролцох, бэлтгэл ажил хэр явагдаж байгаа зэрэг сэдвээр харилцан ярилцлага өрнөлөө. Харин МҮОХ-ноос Инчеоны Азийн наадамд гол анхаарлаа хандуулан ажиллаж байгаа гэлээ.

Гуанжоу 2010 Азийн 16-р спортын их наадам урд хөршид болсон. 22 спортын төрлөөр аваргуу тодруулсан наадамд манай улсаас 230 гаруй тамирчин өрсөлдсөн. Манай тамирчид чөлөөт бөх, бокс, ушу сандэ гэсэн төрлүүдэд 2 алт, 5 мөнгө, 9 хүрэл нийт 16 медаль хүртэж байсан амжилттай. Харин Инчеон Азийн наадамд хэдэн төрөлд ямар баг бүрэлдэхүүнтэй оролцох нь тодорхой болоогүй байна.