Төрсөн дүүгээ садар самуунд уруу татсан эрэгтэйг шалгаж эхэллээ

Баян-Өлгий аймгийн цагдаагийн газраас насанд хүрээгүй хүнийг садар самуунд уруу татсан гэх хэргийг шалгаж байна.

Тус аймгийн Өлгий суманд оршин суух 30 настай эрэгтэй А гэгч нь өөрийн төрсөн дүү 17 настай эмэгтэйг садар самуунд уруу татсан гэх гомдол цагдаагийн байгууллагад иржээ.

Иргэний гомдлын дагуу албаныхан шалгалтын ажиллагаа явуулахад, сэжигтэн эрэгтэй нь өөрийн фэйсбүүк хуудсаар дамжуулан, төрсөн дүү рүү садар самуун сурталчилсан киног, зориуд явуулж, ёс бус үг хэллэгтэй мессеж илгээсэн байжээ.

Улмаар сэжигтэн этгээдэд Монгол Улсын Эрүүгийн хуулийн тусгай ангийн 16.8 дугаар зүйлд зааснаар эрүүгийн хэрэг үүсгэжээ.