Хоёр хүүхэд газ үнэрлэж амиа алджээ

Ахуйн газ үнэртэж хоёр хүүхэд амиа алдсан хэрэг гарчээ. Тодруулбал, өнгөрсөн бямба гаригт Сонгинохайрхан дүүргийн 19-р хороонд “14 настай эрэгтэй хүүхэд татаж унаад нас барсан байна” гэсэн мэдээлэл цагдаагийн байгууллагад иржээ. Мэдээллийн дагуу шалгахад тус дүүргийн 26-р хороонд суух 15 настай эрэгтэй Ө нь ахуйн хэрэглээний газ үнэртэж байгаад ил харагдах гэмтэл шархгүй нас барсан байжээ. Хэргийг Сонгинохайрхан дүүргийн цагдаагийн нэгдүгээр хэлтэст шалгаж байна. Эд мөрийн баримтаар БНХАУ-д үйлдвэрлэсэн ахуйн хэрэглээний газыг хурааж авчээ.

МөнБаянзүрх дүүргийн 23-р хороо, “Улиастайн гахайн байрны замын хажууд хүн нас барсан байна” гэсэн мэдээллийг өнгөрсөн ням гаригт авч шалгахад тус хороондсуух 13 настай эрэгтэй Ж нь ил харагдах гэмтэл шархгүй нас барсан байжээ. Хэргийг Баянзүрх дүүргийн цагдаагийн гуравдугаар хэлтэст шалгаж буй. Хэргийн газраас эд мөрийн баримтаар гялгар уут нэг ширхэг, ахуйн хэрэглээний газ нэгийг хураан авчээ.