БЗД-ийн Засаг даргыг томилох төлөөлөгчөөр Д.Энхтөр томилогдлоо

Нийслэлийн Засаг дарга бөгөөд Улаанбаатар хотын Захирагч С.Батболд бие төлөөлөгч томилох тухай захирамж өчигдөр гаргасан байна.

Энэ дагуу Баянзүрх дүүргийн Засаг даргад нэр дэвшүүлэх асуудлыг хуулийн дагуу шийдвэрлэх үүрэг бүхий Нийслэлийн Засаг даргын бие төлөөлөгчөөр Д.Энхтөрийг томилжээ.

Д.Энхтөр нь ядуурлыг бууруулах, хөдөлмөр эрхлэлтийн асуудал хариуцсан төслүүдийн удирдагч, НЗД-ын орлогчын албыг хашдаг.

Түүнчлэн НЗД-ын бие төлөөлөгчийн үйл ажиллагаанд дэмжлэг үзүүлж ажиллахыг Баянзүрх дүүргийнЗасаг даргын Тамгын газрын дарга Б.Амартүвшинд даалгажээ.

ЗАХИРАМЖ