"Хүнсний аюулгүй байдлын Үндэсний чуулган" эхэллээ

Монгол Улсын Ерөнхийлөгчийн санаачилгаар зохион байгуулж буй “Монгол Улсын Хүнсний аюулгүй байдлын Үндэсний чуулган” өнөөдөр Төрийн ордонд болж байна.

Үндэсний чуулганыг нээж Монгол Улсын Ерөнхийлөгч Х.Баттулга үг хэллээ.

Өнөөдрийн чуулганд Сүү сүүн бүтээгдэхүүн, Гурил, гурилан бүтээгдэхүүн, ургамлын тос үйлдвэрлэгчид, Төмс, хүнсний ногоо, жимс жимсгэнэ, Өндөг, гахай, тахианы мах үйлдвэрлэгчид оролцож байна. Үндэсний чуулганыг угтан өнгөрсөн наймдугаар сараас салбар хуралдаанууд хийсэн юм.

Чуулганаар,

• Монгол хүний эрүүл мэнд ба хүнсний аюулгүй байдал
• Хүнсний аюулгүй байдлын өнөөгийн байдал, цаашид авах арга хэмжээ
• Төрөөс хүнсний үйлдвэрлэлийн салбарт баримталж байгаа бодлого, хэрэгжүүлэх арга зам
• “Ногоон морь-Монгол Улсын ногоон хөгжлийн хөтөлбөр” хэрэгжүүлэх тухай
• Хүнсний үйлдвэрийн салбар дахь стандартын хэрэгжилт
• Хүнсний аюулгүй байдалд тавих төрийн хяналт, шалгалт
• Хүнсний импорт, экспортод хийх гаалийн бүрдүүлэлт
• Хүнсний салбарыг татварын бодлогоор дэмжих боломж, арга зам зэрэг сэдвээр хэлэлцэх ажээ.

Чуулганыг Монгол Улсын Ерөнхийлөгчийн Тамгын газар, ХХААХҮЯ, Монголын хүнсчдийн холбоо, НҮБ-ын Хүнс, хөдөө аж ахуйн байгууллага хамтран зохион байгуулж байна.