"Манай цэргийн жавхаа" дуу гэрэлт хөшөөтэй боллоо

Офицеруудын ордон буюу Цэргийн дуу бүжгийн эрдмийн чуулгын баруун талд монголын нэрт хөгжмийн зохиолч, МУУГЗ Шагжийн Гунаажавын цэрэг эх орны сэдэвт "Манай цэргийн жавхаа" дууны гэрэлт хөшөөний нээлт өнөөдөр боллоо.

Цэргийн ансамблиас Цэргийн дуу бүжгийн эрдмийн чуулга болтлоо өргөжсөн тус чуулгынхан маргааш 85 жилийнхээ ойг тэмдэглэх юм. Энэ хүрээнд цэргийн дунд болон эх орныхоо хилээс ч даван олон улсын цэргийн баяр ёслол, жагсаалын сүлд дуу болсоор жаран дамжаад байгаа "Манай цэргийн жавхаа" дууг ийнхүү эзнийг нь амьд ахуйд хөшөөнд мөнхөлж буй аж.МУУГЗ Ш. Гунаа-Аажав энэхүү дууг 1970 онд зохиосон бөгөөд өнөөдөр 90 насандаа дууныхаа хөшөөг нээсэн юм.