Оюутнууд нийтийн тээвэрт 500 төгрөгөөр зорчино

Энэ сарын 1-ний өдрөөс эхлэн их, дээд сургууль, коллежид суралцдаг оюутнуудын нийтийн тээврээр хөнгөлөлттэй зорчдог смарт картны хэрэглээг хязгаарлажээ. Тодруулбал, өвлийн улирлын амралт эхэлсэн тул хязгаарлалт нэгдүгээр сарын 1-нээс эхэлсэн бөгөөд ирэх хоёрдугаар сарын 1-нийг хүртэл үйлчлэх аж.

“Улаанбаатар смарт карт” ХХК дээрх шийдвэрээ нийслэлд харьяалагддаг бүх их, дээд сургууль, коллежид албан бичгээр хүргүүлжээ. Иймээс оюутнууд хоёрдугаар сарын 1-ний өдрийг хүртэл 500 төгрөгөөр зорчих юм байна. Учир нь 'Улаанбаатар смарт карт' компанийн хувьд оюутны амралт эхэлж байхад зарим сургуулийн оюутнуудын смарт картыг олгосонтой холбоотой аж.