Монголын циркчид Францад нүүдэлчин тоглолт хийнэ

Монголын орчин үеийн цирк болон Үндэсний урлагийн их театрын уран бүтээлчид Францын Феникс циркийн тайзнаа "Нүүдэлчин" тоглолтоо хийх гэж байна.

“Ангелс Монгол Модерн” циркийн захирал, продюсер Б.Оргилболд Феникс циркийн уран бүтээлчидтэй хамтран зохион байгуулж буй "Нүүдэлчин" тоглолт 2019 оны арваннэгдүгээр сарын 23-ны өдрөөс эхлэх юм.

Монголын циркийн бие даасан, бүрэн хэмжээний тоглолтыг хамгийн сүүлд Холбооны Бүгд Найрамдах Герман Улсад 20 гаруй жилийн өмнө зохион байгуулж байжээ. Тиймээс "Нүүдэлчин" тоглолт нь Баруун Европд хийж байгаа Монголын циркийн хоёр дахь удаагийн томоохон хэмжээний, бие даасан тоглолт болох юм. Тоглолтод манай 40 гаруй уран бүтээлч оролцоно.