Уурхайн гүнд хятад иргэн унаж нас барсан байжээ

Дорнод аймгийн Дашбалбар сумын Жараахай багт уул уурхайн үйл ажиллагаа явуулдаг “Шинь Шинь” ХХК-ийн Улааны уурхайн ерөнхий инженер Хятад улсын иргэн С /32 настай, эрэгтэй/ уурхайн нүхэнд унасан байж болзошгүй тухай мэдээлсэн билээ.

Дуудлагын дагуу тус аймгийн Онцгой байдлын газрын эрэн хайх Аврах ангийн алба хаагчид ажиллаж өчигдөр 09:10 цагт Хятад улсын иргэний цогцсыг гаргаж Цагдаагийн байгууллагад хүлээлгэн өгчээ. Тухайн уурхайн нүхэнд нуралт үүсч ашигладаггүй байсан бөгөөд нас барсан иргэн 40 гаруй метрийн гүнтэй нүхэнд унасан байжээ.

М.Хатанаа