Ходоодны хорт хавдрын асуудлаар МОНГОЛ- СОЛОНГОС-ын хамтарсан симпозиум боллоо .

2 сарын 18-нд ходоодны хорт хавдрын эрт илрүүлэг, ходоодны дурангийн мэс заслын хөгжлийн асуудлаар Монгол-Солонгосын хавдрын мэс засалчдын хамтарсан симпозиум Чингис зочид буудалд амжилттай болж өндөрлөлөө. Симпозиумд Солонгосын Ходоодны Хорт Хавдрын Нийгэмлэгийн удирдах зөвлөлийн тэргүүн, нэрт мэс засалч, профессор Хан-Ван Яан тэргүүтэй төлөөлөгчид хүрэлцэн ирж сонирхолтой илтгэлүүд хэлэлцүүлэн туршлагаасаа хуваалцлаа. Монголын талаас ХСҮТ-ийн мэс заслын клиникийн удирдагч, Монголын ходоодны хорт хавдрын эрт илрүүлэгийн багийн ахлагч, профессор Я.Эрдэнэ-Очир, эмч Т.Ундармаа, Ж.Оюунчимэг нар илтгэл тавьж хэлэлцүүллээ. Симпозиумын үеэр Монгол, Солонгосын Ходоодны Хавдрын Нийгэмлэгүүд хамтын ажиллагааны, ХСҮТ-Хаан банк-МҮОНРТ хамтран “Хавдрын эсрэг Үндэсний аян-2017” хамтын ажиллагааны гэрээг үзэглэх ёслолын ажиллагаа боллоо.
Симпозиумд УИХ-ын гишүүн Я.Содбаатар, ЭМ-ийн сайд А.Цогцэцэг, МҮОНРТ-ийн ерөнхий захирал Л.Нинжжамц, ХААН банкны гүйцэтгэх захирал Жонн Билл, дуучин Т.Дэлгэрмөрөн, нэвтрүүлэгч Б.Гантигмаа нарын улс төр, эдийн засаг, урлаг соёлын олны танил эрхмүүд оролцож хавдрын эсрэг дуу хоолойгоо нэгтгэлээ.