Засгийн газрын үнэт цаасны арилжаа нээгдлээ

Засгийн газрын үнэт цаасны шинэ арилжаа өнөөдөр Хөрөнгийн биржид нээгдлээ. Тус үнэт цаас нь 39 долоо хоног буюу 9 сарын хугацаатай, жилийн 17.911 хувийн хүүтэй байх юм. Мөн 156 долоо хоног буюу 3 жилийн хугацаатай, жилийн 18 хувийн үнэт цаасыг арилжина. Засгийн газрын жижиглэнгийн үнэт цаасны энэ оны нэгдүгээр улирлын арилжааны хуваарийн дагуу уг арилжаа энэ сарын 28-нд хийхээр товлосон байсан юм. Ээлжит арилжааг сар шинэ тохиож байгаатай холбогдуулан хугацааг урагшлуулан зохион байгуулж байна.