Дөрвөн настай хүүхдийг заазуурдаж хөнөөсөн БНХАУ-ын иргэний хэрэг шүүхэд шилжжээ

Дөрвөн настай хүүхдийг заазуурдаж хөнөөсөн БНХАУ-ын иргэний хэрэг Сонгинохайрхан дүүргийн эрүүгийн хэргийн анхан шатны шүүхэд шилжжээ.

Өнгөрсөн оны арванхоёрдугаар сард БНХАУ-ын иргэн н.Өргөнтал Сонгинохайрхан дүүргийн 19-р хороонд эхнэр, эхнэрийнхээ дүүгийн дөрвөн настай хүүхдийг заазуурдаж хөнөөсөн хэрэг гарсан.

Хэргийг Нийслэлийн прокурорын газраас ЭХТА-ийн 91.2.2, 91.2.6, 91.2.12,91.2.15, 91.2.16-д тус тус зааснаар яллах дүгнэлт үйлдэж, Сонгинохайрхан дүүргийн эрүүгийн хэргийн анхан шатны шүүхэд ирүүлсэн байна.

Шүүх хурлын тов одоогоор гараагүй бөгөөд Ерөнхий шүүгч Ц.Оюунчимэг хуваарилагдсан болохыг Шүүхийн ерөнхий зөвлөлөөс мэдээллээ.