Ялалтын баярын парадыг 15:00 цагт шууд дамжуулна

Жил бүрийн тавдугаар сарын 9-нд ОХУ Дэлхийн II дайнд ялалт байгуулсны баяраа тэмдэглэн өнгөрүүлдэг уламжлалтай. Энэ жил аугаа эх орны дайнд ялалт байгуулсны 72 жилийн ой тохиож байна.

Ялалтын баярын салшгүй нэг хэсэг бол яахын аргагүй Улаан талбай дээрх Ялалтын жагсаал юм. Уламжлал ёсоор энэ жагсаал Москвагийн цагаар 10:00, Улаанбаатарын цагаар 15:00 цагт эхэлнэ. Парадыг МҮОНРТ болон зарим арилжааны телевизүүд шууд дамжуулах юм байна. Энэ жилийн ёслолын жагсаалд 114 нэгж хуягт техник, 10001 цэргийн албан хаагч жагсаж, нисэх хүчний 72 онгоц, нисдэг тэрэг агаарт хөөрч, үзэгч олны нүдийг хужирлах аж.