Сөүлийн гудамжны автозамын хөдөлгөөнийг түр хаана

Шөнийн гэрэлт гудамж төслийг хэрэгжүүлэх ажлын хүрээнд тохижилт, худалдаа үйлчилгээний ажил хийгдэж байна.

Энэ ажлын хүрээнд 2017.06.07-ны өдрийн 20 цагаас 2017.06.08-ны өдрийн 06 цаг хүртэл агаарын гэрэлтүүлэгийн тоноглолын ажил хийх, 2017.06.08-ны өдрийн 16 цагаас худалдаа, үйлчилгээний асар байрлуулах, цахилгаан, хийн түлшний холболт хийх, төслийн нээлтийн үйл ажиллагааны бэлтгэлийг хангахын тулд Сөүлийн гудамжны замын хөдөлгөөнийг түр хугацаагаар хаах гэж байна.

Иймд эрхэм жолооч та дээрх чиглэлээс бусад замыг сонгон хөдөлгөөндөө сахилга, соёлтой оролцоно уу хэмээн Замын цагдаагийн албанаас мэдээллээ.