Сэрэмжлүүлэг: Хоёр хүүхэд, нэг залуу усанд живж амиа алдлаа

Өчигдөр гурван хүн усанд живж харамсалтайгаар амиа алдлаа. Тодруулбал Баянзүрх дүүргийн 11-р хороо, “...” амралтын газрын орчим хүн усанд живсэн байна” гэсэн мэдээллийг цагдаагийн байгууллага авч шалгахад Сонгинохайрхан дүүргийн 24-р хороонд суух 22 настай эрэгтэй Ж голд живж нас барсан байжээ. Хэргийг тус дүүргийн цагдаагийн гуравдугаар хэлтэст шалгаж байна.

Мөн Хан-УУл дүүргийн 13-р хороо, “Карьерийн нууранд хоёр хүүхэд живж нас барсан байна” гэсэн мэдээллийг авч шалгахад Баянзүрх дүүргийн 17-р хороонд суух 15 настай эрэгтэй Т, 10 настай эрэгтэй Х нар “Хилэм” нэртэй нууранд живж нас барсан байжээ. Хэргийг Хан-Уул дүүргийн цагдаагийн хоёрдугаар хэлтэст шалгаж буй.

Урин дулааны улирал эхэлж, амралт зугаалга үргэлжилж буй энэ өдрүүдэд үр хүүхэддээ анхаарал хандуулж, гол усны аюулаас сэрэмжлэхийг холбогдох албаныхан анхааруулж байна.