ЦЕГ: Хятад иргэд хүүхэд хулгайлахыг завдсан гэх хэрэг бүртгэгдээгүй

БНХАУ-ын иргэн дахин хүүхэд хулгайлахыг завдлаа гэх мэдээлэл зарим хэвлэлээр цацагдлаа. Энэ талаар ЦЕГ-ын Хэвлэл мэдээллийн төвийн албаны эх сурвалжаас тодруулахад “Тухайн мэдээлэлд зургаадугаар сарын 12-нд “Драгон” төв дээр хүүхэд хулгайлахыг завдсан гэж дурдсан байсан. Гэтэл ийм хэрэг цагдаагийн байгууллагад бүртгэгдээгүй байна. Баримтгүй, ташаа мэдээлэл цацагдсан байгаа тул цааш нь тарааж, иргэдийг төөрөгдүүлэхгүй байхыг хүсье” гэв.