Өнөөдөр зөөврийн хайрцгаар санал авна

Монгол Улсын Ерөнхийлөгчийн ээлжит сонгуулийн дахин санал хураалт орон даяар энэ сарын 7-нд буюу маргааш /Баасан гарагт/ явагдана.

Энэ дагуу өнөөдөр СЕХ-ноос зөөврийн битүүмжилсэн хайрцгаар санал авна. Сонгуулийн тухай хуулийн дагуу, эрүүл мэндийн байдлын улмаас санал авах байранд өөрийн биеэр хүрэлцэн ирж чадахгүй болон захиргааны зөрчлийн улмаас баривчлагдсан, албадан саатуулагдсан, таслан сэргийлэх арга хэмжээ авсан, цагдан хоригдсон, Дайчилгааны тухай хуулиар нийтийн дайчилгаанд хамрагдсан иргэд ийнхүү зөөврийн битүүмжилсэн хайрцгаар саналаа өгөх юм.

Ерөнхийлөгчийн сонгуулийн хоёр дахь шатанд гадаадад байгаа иргэдийн саналаа уржигдараас эхэлж өгсөн бөгөөд санал авах ажиллагаа өчигдөр 22:00 цагт дууссан юм.