СЭРЭМЖЛҮҮЛЭГ: Бага насны хүүхэд салхивчаар унаж, нас баржээ

Нийслэлийн Баянгол дүүргийн нутаг дэвсгэрт байрлах орон сууцнаас бага насны хүүхэд унаж, амь насаа алдсан харамсалтай хэрэг гарчээ.

Тодруулбал, тус дүүргийн хоёрдугаар хороонд байх ... тоот орон сууцны 11 давхраас таван настай эмэгтэй хүүхэд унасан байжээ. Улмаар албаныхан шалгалтын ажиллагаа явуулж, охиныг жижиг өрөөнийхөө салхивчаар унасан болохыг тогтоожээ. Хэргийг Баянгол дүүргийн цагдаагийн нэгдүгээр хэлтэст шалгаж байна.

    Хорио цээрийн дэглэм үргэлжилж буй энэ үед эцэг эх, асран хамгаалагчид үүрэг хариуцлагаа ухамсарлаж хүүхдүүдээ хараа хяналтгүй орхихгүй байх, цахилгааны утас, халуун зуух, индүү, халуун тогоо зэрэг хүүхдийн хамгийн их гэмтдэг зүйлсийн аюулгүй ажиллагааг байнга хянаж байх хэрэгтэй гэдгийг албаныхан санууллаа.