ЭМЯ:Монгол улсад халдвар тархах эрсдэл маш өндөр гэж гарсан

ЭМЯ-ны хэлтсийн дарга Д.Нарангэрэл "Коронавирусийн халдвар 213 Улсад бүртгэгдэж, 572 мянган хүн эдгэрсэн байна. АНУ, Итали, Иран, Их Британи улсуудад тархалт эрчтэй хэвээр байна.

ОХУ-д сүүлийн 24 цагт 4,070 тохиолдол бүртгэгдэж, өмнөх өдрөөсөө 40 хувиар нэмэгдлээ. Ирэх 2-3 долоо хоногт дэгдэлт оргилдоо хүрнэ гэж Москва хотын захирагч мэдэгдсэн.

Тэрбээр Москва хотод анхны тохиолдол бүртгэгдсэнээс хойш дөрвөн сарын хугацаанд 1.7 сая хүнд шинжилгээ хийсэн ч найдвартай байдалд нь эргэлзэж байна гэжээ" хэмээн тойм мэдээллийг танилцууллаа. 

Д.Нямхүү:

ХӨСҮТ-ийн лабораторид хийсэн 83 шинжилгээнд коронавирус илрээгүй. Үүнд 4 сарны 17-нд ХӨСҮТ-д ирсэн 2, Сэлэнгэд тусгаарлагдсан 1, ажиглах байранд байсан 67 хүний давтан шинжилгээ багтсан. 244 хүн ХӨСҮТ-д эмчлүүлж байна. Замын-Үүдэд ирсэн 58 хүний шинжилгээ маргааш гарна. Франц хүний таван сорьцын нэгт нь л коронавирус илэрч буй. Цаашдаа илрэхгүй байж эдгэх байх гэж найдаж байна. 

Вирус илрүүлэх шинжилгээг өдөр бүр хийдэг. Аль сорьцын шинжилгээ сөрөг гарч байгаагаас шалтгаалан эмчилгээ хийхдээ юунд анхаарах вэ гэдгээ шийддэг. Найдвартай хийх зорилгоор ХӨСҮТ-ийн хоёр лабораторийг ашиглаж буй. 

Одоогоор 1451 иргэн тусгаарлах байранд байна. Үүнд 5 хүртэлх насны 37, жирэмсэн 28, чихрийн шижинтэй 19, хорт хавдартай 17 иргэн байна. Үүнээс хоёр нь эрчимт эмчилгээнд буй. Иргэд өөртөө илэрч буй шинж тэмдгээ сайн мэдэхгүй байна. Улсын хэмжээнд эмнэлгийн 18669 ор бий. Бэлтгэсэн 2900 ор байгаа ба нэмж 5800 орыг бэлдэж буй. Хан-Уул дүүргийн 300 ортой төрөхийг ашиглахад бэлтгэл ажлыг хангаж байна. Тэнд 880 өрөө бэлэн бий. Бидэнд 425 амьсгалын аппарат бий нэмж 415 аппарат авахаар бэлдэж байна. 

Б.Янжмаа:Хубей хотын Ухань хотод бүртгэгдсэн нас баралтын бүртгэлд өөрчлөлт оруулсан ба 1290 тохиолдлыг нэмсэн. БНСУ-д халдварын шинэ тохиолдлын 50 хувь нь гаднаас орж ирсэн. Солонгосын сонгуультай холбоотойгоор ирэх хоёр долоо хоногийн хугацаанд халдварын тоо нэмэгдэж болзошгүй. Сингапур улсад нэг өдрийн дотор 728 тохиолдол нэмэгдсэн нь цагаач ажилчдын нийтийн байранд дэгдсэнтэй холбоотой байгаа аж.

ЭМЯ-ны Эмнэлгийн тусламж үйлчилгээний газрын дарга Я.Буянжаргал: